Антываенная дэкларацыя
EN
RU
Адкрыты ліст
UA
BY

Антываенная дэкларацыя членаў Алімпійскага руху і міжнароднай спартыўнай сям'і

Мы, члены Алімпійскага руху і міжнароднай спартыўнай сям'і, выступаем за неадкладнае спыненне агрэсіі, развязанай Расійскай Федэрацыяй супраць Украіны з выкарыстаннем тэрыторыі Рэспублікі Беларусь.

Гэтая вайна знішчае ўкраінскія гарады, забірае жыцці тысяч мірных жыхароў і сотняў дзяцей, мільёны людзей становяцца бежанцамі. Пад пагрозу пастаўлена бяспека ўсяго еўрапейскага рэгіёну і нават свету. Гэтаму няма ніякіх апраўданняў.

Мы выступаем за правядзенне міжнароднага расследавання і прыцягненне да адказнасці ўсіх вінаватых за ўчыненыя міжнародныя ваенныя злачынствы і злачынствы супраць чалавецтва.

Мы патрабуем спынення ваенных дзеянняў супраць Украіны, вываду войскаў з яе тэрыторыі і тэрыторыі Беларусі.

Мы прызнаем незалежнасць і тэрытарыяльную цэласнасць Украіны ў яе міжнародна-прызнаных межах, а таксама выступаем за захаванне суверэнітэту Беларусі.

Алімпійскі Мір павінен быць адноўлены.

Слава Украіне!
Жыве Беларусь!

Больш за
прадстаўнікоў спорту
падпісалі Антываенную дэкларацыю
500

АБ БФСС

Мэты фонду: абарона правоў спартсменаў і спартыўных спецыялістаў ад дыскрымінацыі і прасоўванне правоў чалавека, свабоды і дэмакратычных каштоўнасцяў праз спорт.

Беларускі фонд спартыўнай салідарнасці пачаў сваю дзейнасць у жніўні 2020 года ў адказ на масавыя рэпрэсіі ў дачыненні да спартсменаў з боку беларускіх уладаў.

Фонд прадастаўляе фінансавую, арганізацыйную і юрыдычную падтрымку спартсменам і спартыўным спецыялістам, якія пацярпелі за адкрытае выражэнне сваёй грамадзянскай пазіцыі.